सत्ता साझेदार दलबीचको एकतालाई जसरी पनि जोगाउँछु : प्रधानमन्त्री

  |

काठमाडौं, २२ माघ । प्रधानमन्त्री पुष्पकमल दाहाल प्रचण्डले सत्ता साझेदार दलहरुबीचको एकतालाई जसरी पनि जोगाउने बताएका छन् ।

राष्ट्रिय स्वतन्त्र पार्टीले आफ्ना मन्त्रीहरुलाई फिर्ता बोलाउने निर्णय गरेलगत्तै प्रधानमन्त्री प्रचण्डले यस्तो प्रतिक्रिया दिएका हुन् ।

आइतबार संघीय संसद नयाँ बानेश्वरमा पत्रकारहरुसँग कुरा गर्दै उनले सत्ता साझेदार दलहरुबीचको एकतालाई जसरी पनि बचाउनुपर्ने बताएका हुन् ।

उनले भने, ‘राष्ट्रिय सहमति नै गरौं भनिराखेको छु मैले । सत्ता साझेदारबीचको एकतालाई जसरी पनि बचाउनुपर्छ भन्ने मेरो धारणा हो ।अदालतको निर्णय पछि पक्कै पनि उहाँहरुलाई केही असहज भएकै थियो । अब रवि लामिछानेसँँग फेरि भेटेर कुरा गर्छु ।’

रास्वपाले सरकारबाट बाहिरिए पनि समर्थन फिर्ता नलिएको बताए ।