|
शुक्रवार,१७ कार्तिक २०८०
बारा । बाराको जीतपुरसिमरा उपमहानगरपालिका–६ को घुसकपुरमा एक महिलाको शव भेटिएको छ ।
उपमहानगरको वडा नं ६ मा काँसघारीको झाडीमा बिहीबार महिला शव फेला परेको प्रहरीले जनाएको छ । ती महिलाको शरीरमा घाउ चोट लागेको इलाका प्रहरी कार्यालय सिमराले जनाएको छ ।
अन्दाजी २५/२६ वर्षकी ती महिलाको साथमा परिचय खुल्ने कुनै प्रमाण नभएकाले शवको पहिचान गर्न नसकिएको ईप्रका सिमराका प्रमुख प्रदीप बहादुर क्षेत्रीले बताए ।
‘महिलाको शव हेर्दा मारेर फालेको जस्तो देखिन्छ तर ती महिला को हुन् भन्ने पहिचान खुल्न नसक्दा हामीलाई अनुसन्धानमा समस्या भएको छ’ क्षेत्रीले भने । महिलाको स्थानीयले खेतमा शव देखेपछि प्रहरीलाई खबर गरेका थिए । शव फेला परेको स्थानमा प्रहरीले तालिम प्राप्त कुकुर खटाएर अनुसन्धान गरिरहेको छ ।बारामा बिगत केहि दिनदेखि एक पछि अर्को घटना बढिरहेको स्थानीयले बताउछन् ।
